مفاجأة لأصحاب المعاشات.. زيادة 15% رسميًا
مع بداية السنة المالية الجديدة، ملايين من أصحاب المعاشات بيسألوا: إمتى هنقبض معاش شهر يوليو؟ وهل الزيادة الجديدة هتتصرف مع أول الشهر؟
الخبر المؤكد أن الهيئة القومية للتأمين الاجتماعي هتبدأ صرف معاشات يوليو من يوم 1 يوليو، والقبض هيكون شامل الزيادة الجديدة اللي أقرها الرئيس السيسي بنسبة 15%، ضمن حزمة الحماية الاجتماعية. الزيادة دي هيستفيد منها حوالي 11.5 مليون صاحب معاش ومستحق على مستوى الجمهورية.
ولو بتسأل هتقبض منين، فالصرف متاح من مكاتب البريد، وماكينات الـATM، ومنافذ فوري، وكروت ميزة، أما لو عايز تعرف بيانات معاشك أو قيمة الاستحقاق، تقدر تدخل على موقع الهيئة القومية للتأمين الاجتماعي، وتختار خدمات أصحاب المعاشات، وبعدها تدخل الرقم القومي وتستعلم بسهولة.
ولو لسه مخلصتش إجراءاتك، الأفضل تراجع بياناتك من دلوقتي علشان تضمن صرف المعاش والزيادة من غير أي مشاكل أو تأخير مع بداية شهر يوليو.
