مرتبات لحد 15 ألف جنيه.. وزارة العمل تعلن وظائف جديدة بمئات الفرص للشباب

لو بتدور على شغل أو عايز فرصة أفضل، فوزارة العمل أعلنت عن مجموعة وظائف جديدة في شركات القطاع الخاص برواتب بتوصل لـ15 ألف جنيه شهريًا، وفيها فرص لمئات الشباب بمؤهلات مختلفة.

الوظائف المتاحة تشمل 600 سائق برخص أولى وتانية وتالتة، برواتب من 7 آلاف لحد 15 ألف جنيه حسب الخبرة ونوع الرخصة.

كمان فيه فرص لمهندسين ورش ميكانيكا، وفنيين ميكانيكا، وتبريد وتكييف، وكهرباء، وعفشة، وكاوتش، بالإضافة إلى وظائف للمحاسبين والموظفين الإداريين.

وزارة العمل أوضحت أن التقديم متاح لحملة المؤهلات العليا والمتوسطة، والسن المطلوب من 25 لـ50 سنة، مع وجود خبرة تتراوح بين سنة و10 سنوات حسب كل وظيفة.

الهدف من المبادرة هو توفير فرص عمل حقيقية للشباب وتلبية احتياجات الشركات من العمالة الماهرة والمتخصصة.

أما التقديم فيكون من خلال مقر وزارة العمل بشارع الجلاء في ميدان عبد المنعم رياض، أو التواصل عبر الأرقام المعلنة للاستفسار ومعرفة التفاصيل الكاملة وشروط كل وظيفة قبل التقديم.