سعرهم تحت المليون.. أرخص 6 سيارات زيرو في مصر
عايز تشتري عربية زيرو وميزانيتك متعديش المليون جنيه ومحتار وسط الأسعار الجديدة اللي في السوق تعالى أقولك على أرخص عربيات زيرو في مصر.
أول واحدة معانا هي بروتون ساجا اللي بتتصدّر القائمة كأرخص عربية سيدان جديدة بسعر رسمي حوالي 650 ألف جنيه وبتنزل بمحرك 1300 سي سي بقوة 95 حصان.
كمان شيري أريزو 5 المجمعة محليًا اللي بتبدأ أسعار موديل 2027 فيها من 730 ألف جنيه للفئة الأولى وبتوصل لـ 815 ألف جنيه للفئة الأعلى تجهيزًا.
الخيارات بتضم كمان هيونداي أكسنت أر بي المجمعة محليًا والأسعار الرسمية بتبدأ من 730 ألف جنيه وبتوصل لـ 839 ألف جنيه لأعلى فئة.
ده غير رينو تاليانت بمحرك تيربو 1000 سي سي واللي بتبدأ من 755 ألف جنيه وبتوصل لـ 815 ألف جنيه وبتنافس معاهم بقوة نيسان صني موديل 2027 بأسعار تبدأ من 765 ألف جنيه وبتوصل لـ 830 ألف جنيه لأعلى فئة.
وبتيجي في نهاية القائمة جيلي إمجراند الجديدة كأرخص عربيات العلامة الصينية بأسعار تبدأ من 839 ألف جنيه وبتوصل لـ 939 ألف جنيه للفئة الأعلى تجهيزًا.
