خصم 50% على اشتراكات المونوريل.. اعرف الأسعار الجديدة
وزارة النقل أعلنت خبر مهم جدًا لمستخدمي مونوريل شرق النيل، بعد ما قررت تخفيض أسعار جميع الاشتراكات بنسبة 50%، سواء الأسبوعية أو الشهرية أو الربع سنوية، وده في إطار تشجيع المواطنين على استخدام وسائل النقل الحديثة.
المرحلة الأولى من المونوريل بتخدم بشكل كبير الموظفين والمترددين على العاصمة الإدارية الجديدة، وبتضم 14 محطة بداية من محطة المشير طنطاوي وحتى محطة الحي الحكومي.
بالنسبة للاشتراكات الأسبوعية، الأسعار بتبدأ من 140 جنيه لمنطقة واحدة وبتوصل لـ560 جنيه للخط بالكامل، أما الاشتراك الشهري فبيبدأ من 600 جنيه ويصل لـ2400 جنيه للخط الكامل.
كمان وفرت الوزارة اشتراكات ربع سنوية بأسعار مخفضة، حيث يبدأ الاشتراك من 1800 جنيه لمنطقة واحدة، ويصل إلى 7200 جنيه للخط بالكامل، مع صلاحية تمتد إلى 180 يومًا.
التخفيضات الجديدة بتمنح الركاب فرصة للتنقل بتكلفة أقل، خاصة العاملين والموظفين اللي بيستخدموا المونوريل بشكل يومي، وبتدعم خطة الدولة للتوسع في وسائل النقل الجماعي الحديثة وتقليل الزحام على الطرق.
