أسباب هتخسرك العداد تخلي شركة الكهرباء تفسخ التعاقد من غير إنذار

عدادك هيتشال ومن غير انذار.. لو عندك شقة مقفولة أو شقة مصيف ومسافر لفترة طويلة.

لازم تاخد بالك جداً عشان العداد بتاعك مش يتشال وتتفاجئ بفسخ التعاقد!

الشؤون التجارية بهندسة الكهرباء نزلت تحذير مهم جداً عن 3 أسباب رئيسية بتخليهم يرفعوا العداد قانونياً ومن غير سابق إنذار.

السبب الأول وهو إن العداد يسجل استهلاك صفري لمدة تتراوح من 3 لـ 6 شهور متواصلة.

السبب الثاني هو تراكم رسوم الخدمة الشهرية من غير ما تدفعها حتى والشقة مقفولة.

والسبب الثالث بيخص عدادات الكارت اللي رصيدها بيخلص وبتفضل مطفية لفترات طويلة من غير شحن.

وعشان تحمي نفسك وتتجنب المشاكل دي.. الكهرباء نصحت بخطوات بسيطة جداً.. سيب حمل كهربائي بسيط شغال في الشقة زي لمبة موفرة أو جرس الباب عشان العداد يسجل قراءة شهرية.

ولو العداد بكارت اشحنه بمبلغ كفاية يغطي رسوم الخدمة للشهور اللي جاية.. وتابع دفع الفواتير أول بأول.

والحل الأحسن لو مسافر لفترة طويلة جداً إنك تطلع على الفرع المختص وتقدم إخطار رسمي بإن الشقة مقفولة عشان تثبت ده في السجلات وتحمي كارتك وعدادك.