إضافة المواليد رجعت... أول رد رسمي من التموين عن اضافتهم

خلال الساعات الأخيرة، ناس كتير بدأت تدور وتسأل عن حقيقة إضافة المواليد الجدد على بطاقات التموين، خصوصًا مع الظروف الحالية وارتفاع الأسعار، لكن المفاجأة إن المصادر الرسمية أكدت إن مفيش إضافة مواليد جديدة على الدعم التمويني في الوقت الحالي.

لكن في نفس الوقت، وزارة التموين أوضحت إن خدمة “ضم أفراد الأسرة” مازالت متاحة إلكترونيًا من خلال منصة مصر الرقمية، وده بيشمل بعض الحالات المحددة للأسر المستحقة.

كل اللي عليك تعمله إنك تدخل على منصة مصر الرقمية، تختار خدمات التموين، وبعدها تضغط على “ضم أفراد أسرتي” وتبدأ تسجل البيانات المطلوبة.

كمان الوزارة شددت على أهمية تحديث بيانات بطاقة التموين باستمرار، لأن أي بيانات غلط أو غير محدثة ممكن تسبب وقف صرف الدعم أو السلع التموينية.

والناس على السوشيال ميديا انقسمت لآراء مختلفة، في اللي شايف إن لازم إضافة المواليد ترجع عشان تساعد الأسر، وفي اللي بيقول إن الدولة بتحاول تنظم الدعم ويوصل لمستحقيه بشكل أدق.
ودلوقتي قولنا إنت شايف إضافة المواليد لازم ترجع تاني ولا لأ؟