متنقلش عدادك الكهرباء.. تحذير عاجل من الحكومة للمواطنين

شركات الكهرباء بدأت حملات مكثفة جدًا لضبط أي تلاعب في العدادات سواء عداد عادي أو مسبق الدفع، وكل ده بقى تحت رقابة أقوى بسبب العدادات الذكية والكودية اللي بتكشف أي محاولة تلاعب فورًا.

وأي حد يفك ختم العداد، أو ينقل مكانه من غير تصريح، أو يوصل كهربا قبل العداد، أو حتى يحاول يوقفه أو يعبث بمكوناته.. ممكن يتحرر له محضر سرقة تيار ويتحسب عليه استهلاك بأثر رجعي مع غرامات كبيرة جدًا.

ومش بس كده بعض الحالات ممكن توصل لرفع العداد نهائي وفصل الخدمة بالكامل، خصوصًا لو المخالفة اتكررت
وشركات الكهرباء كمان حذرت الناس من التعامل مع أي فني غير تابع للشركة، لأن أي تعديل غلط ممكن يوقع صاحب العداد في مشكلة قانونية كبيرة

يعني لو عندك أي عطل أو مشكلة في الفاتورة أو شحن العداد الحل الوحيد الآمن إنك تتواصل مع شركة الكهرباء مباشرة.