بعد ما وصلت لـ 60 جنيه.. كيلو الطماطم هيبقى بـ 5 جنيه بس

الطماطم ب5 جنيه وماحدش يخزن دلوقتي.. بعد ما وصلت لـ 60 جنيه الطماطم هتنزل في الأرض وسعر الكيلو هيرجع بـ 5 جنيه.

وده مش كلامي.  ده كلام مركز البحوث الزراعية اللي أعلن عن انفراجة قريبة جداً في الأسواق وبشرى سارة لكل البيوت مع بدء طرح إنتاج العروة الصيفية الجديدة اللي هتزود المعروض وتنهي أزمة الغلاء تماما.

المتخصصين وضحوا إن الارتفاع الجنوني اللي فات ده كان بسبب تقلبات الجو اللي طولت الفجوة بين المحصول الشتوي والصيفي من فبراير لحد مايو بالإضافة لانتشار آفة توتا أبسلوتا اللي بوظت زراعات كتير.

ده غير إن انخفاض الجنيه قدام الدولار خلى المصدرين يبيعوا المحصول بره مصر ويقللوه من السوق المحلي.

كل الأزمات ديه بتنتهي دلوقت والأسعار هتهدى خالص في أقل من أسبوعين.. مع زيادة المحصول الصيفي.

الوزارة كمان نصحت الناس بلاش تسرع وبلاش تخزين كميات كبيرة لأن الطلب الزيادة هو اللي بيخلي التجار يغلوا الأسعار واشتروا على القد عشان الكل يبيع برخص التراب.