الكهرباء تعلن الحل النهائي لأصحاب العدادات الكودية

العداد الكودي بقى واحد من أكتر الملفات اللي شاغلة ناس كتير خلال الفترة الحالية، خصوصًا بعد قرار وزارة الكهرباء بإلغاء نظام الشرائح المدعمة ومحاسبة العدادات الكودية بسعر ثابت للكهرباء.

وعلشان كده، الوزارة أعلنت تفعيل المنصة الموحدة لخدمات الكهرباء علشان المواطنين يقدروا يحولوا العداد الكودي لعداد قانوني بسهولة ومن غير زحمة الشركات.

الخطوات كلها بقت أونلاين، بداية من تسجيل الحساب على المنصة، واختيار خدمة تحويل العداد، لحد رفع المستندات المطلوبة وإرسال الطلب إلكترونيًا
والأوراق المطلوبة بتشمل بطاقة الرقم القومي، عقد الملكية أو الإيجار، إيصال شحن حديث، ومستند التصالح على مخالفات البناء.

الميزة الأهم أن المواطن بعد التحويل يقدر يرجع لنظام الدعم الطبيعي بدل المحاسبة بسعر التكلفة المرتفع، وده ممكن يساعد على تقليل قيمة الفاتورة الشهرية بشكل واضح.

الحكومة كمان أكدت أن الهدف من النظام الجديد هو تسهيل الإجراءات وتقنين أوضاع المباني المخالفة بشكل أسرع.

وكمان تقليل الضغط على شركات الكهرباء وتوفير وقت المواطنين وتشجيع الناس على التحول للمنظومة الرسمية بالكامل تدريجيًا.