بتبدأ من 450 ألف.. أرخص 5 عربيات بديل الزيرو
في وقت أسعار العربيات الزيرو ولعت بشكل مرعب ناس كتير بقت تدور على حل أذكى وعشان كده سوق المستعمل رجع يكسر الدنيا من جديد.
ولو نفسك في عربية ياباني أوتوماتيك واعتمادية من غير ما تدفع ملايين، فالمفاجأة إن فيه موديلات لسه أسعارها بتبدأ من حوالي 450 ألف جنيه
من أكتر العربيات اللي لسه محافظة على شعبيتها نيسان صني، ودي ناس كتير بتعتبرها “ملك الاعتمادية” خصوصًا في الشغل والمشاوير اليومية ودي بتبدأ من 450 الف وكمان ميتسوبيشي لانسر اللي لحد دلوقتي ليها هيبة في الشارع رغم إنها بقالها سنين واقفة إنتاج ويتبدا من 500 الف
أما لو بتدور على الفخامة والقوة، فتويوتا كورولا وهوندا سيفيك لسه من أكتر العربيات المطلوبة في سوق المستعمل بسبب قوة الموتور وإعادة البيع اللي بتخلي ناس كتير تتمسك بيهم وسعرهم بيبدا من 770 الف
وفيه كمان سوزوكي سويفت اللي خطفت الشباب بسبب شكلها الرياضي وصرفيتها الاقتصادية جوه المدينة ودي بتبدأ من 850 الف.
