الدعم النقدي هو الحل.. التموين بتكشف خطة التحول الجديد
الدعم هيبقى نقدي.. وزير التموين الدكتور شريف فاروق طلع يحسك الجدل اللي داير بسبب قلق البعض من نظام التحول النقدي.
ووضح إن النظام ده هدفه يخليك أنت صاحب القرار في اختيار السلع اللي بيتك محتاجها فعلاً بعيد عن أي قيود وده هيديك الحرية تدير احتياجات أسرتك حسب أولوياتك مش حسب المتاح في الحصة بس.
وعلى فكرة النظام ده هيخلق منافسة قوية بين المحلات والمنافذ وده في مصلحتك لأن الكل هيقدم أحسن سعر وجودة عشان يجذبك تشتري منه فـ بدل ما كنت مرتبط بمكان واحد دلوقت الاختيارات قدامك كتير والسوق كله متاح ليك عشان تحقق أقصى استفادة من قيمة الدعم.
كمان الوزير أكد إن الدعم النقدي هو الطريق الأضمن للعدالة الاجتماعية عشان يوصل للمواطن بشكل مباشر وبيعزز استقلاليته في قراره وده جزء من خطة الدولة لتطوير منظومة الحماية الاجتماعية عشان تناسب احتياجات الناس الحقيقية وتضمن كرامتهم.
