قبل زحمة العيد.. اعرف شروط وضوابط حجز تذاكر قطارات عيد الأضحى

لو ناوي تسافر بالقطر في عيد الأضحى.. ركز في القواعد الجديدة دي 
هيئة السكة الحديد بدأت حجز تذاكر قطارات العيد، لكن المرة دي فيه ضوابط جديدة علشان تمنع السوق السودا والزحمة.

أهم شرط؟
الحجز لازم يكون بالرقم القومي للمسافر 
وكمان.. الحد الأقصى 4 تذاكر بس لكل رقم قومي.

الهيئة كمان شددت الرقابة على شبابيك الحجز والموقع والتطبيق، مع إجراءات قانونية ضد أي تلاعب أو بيع للتذاكر. 

أما مواعيد الحجز 
رحلات 25 مايو بدأت من 11 مايو
ورحلات 26 مايو من 12 مايو
ورحلات 27 مايو من 13 مايو.

وتقدر تحجز بأكتر من طريقة:
من الشباك، التطبيق الرسمي، الموقع الإلكتروني، ماكينات الـ TVM أو حتى عن طريق الخدمة الصوتية. 
يعني لو ناوي تسافر في العيد.. احجز بدري قبل الزحمة