الزيرو سعره بقى في السما؟.. أحسن 5 عربيات مستعملة أسعارها بتبدأ من 220 ألف
العربية بتبدأ من 220 ألف!.. في وسط ارتفاع أسعار العربيات الزيرو الفترة دين بقى المستعمل هو الحل الأقوى والبديل الواقعي لأي حد بيفكر يشتري عربية.
وعشان كدة تعالى اقولك على أكتر 5 عربيات منتشرة في مصر وموجودة في سوق المستعمل بأسعار معقولة.
لو بتدور على أرخص حاجة واعتمادية فشيفروليه لانوس لسه هي الخيار الامثل وأسعارها بتبدأ من 220 ألف جنيه ومناسبة جداً لو لسه بتبدأ سواقة.
كمان نيسان صني مغرقة الشوارع وبتبدأ من 380 ألف جنيه لموديلات 2013 وبتوصل لـ 780 ألف جنيه لو عايز موديل السنة.
وعشان الراحة وقطع الغيار اللي في كل حتة هيونداي إلنترا HD موجودة بأسعار بتبدأ من 400 ألف جنيه.
أما لو أنت شاب وعايز حاجة شيك فكيا سيراتو بتبدأ من 450 ألف جنيه.. وطبعاً ما ننساش ميتسوبيشي لانسر "البومة" اللي لسه مطلوبة جداً وسعرها بيبدأ من 400 ألف جنيه.
العربيات دي مش بس سعرها حنين لا دي كمان سهلة في صيانتها وأمان ليك ولعيلتك.
