بخطوات بسيطة.. ازاي تطلع برنت تأميني أونلاين للتقديم في شقق الإسكان

بتفكر تقدم في شقق الإسكان 2026؟
يبقى لازم تعمل برنت تأميني.. البرنت ده ببساطة بيثبت شغلك ودخلك.. وهو من أهم الورق المطلوب في التقديم.

طيب تطلعه ازاي؟ من غير ما تنزل من البيت، ادخل على موقع الهيئة القومية للتأمين الاجتماعي.

وساعتها تعمل الآتي:
تكتب الرقم القومي
وتدخل اسم الأم
وتضغط إرسال

هتظهرلك كل بياناتك التأمينية فورًا وتقدر تطبعها أو تحفظها في ثواني.

بس خد بالك في بعض الحالات بيطلبوا نسخة مختومة وساعتها لازم تروح مكتب التأمينات بنفسك.

ولو ناوي تقدم في الإسكان راجع بياناتك كويس جدًا قبل ما تقدم علشان أي غلطة ممكن ترفض الطلب.