لأول مرة في مصر عربيات ٢٠٢٧ نزلوا السوق رسميا.. إيه الحكاية

​تخيل كدا نبقى لسه في ٢٠٢٦  وإحنا بنركب عربيات السنة الجاية من دلوقتي.. وده مش تخيل.. لأول مرة في مصر موديلات ٢٠٢٧ بدأت تظهر رسمي في المعارض.

شركتين بس هم اللي فتحوا المزاد ده ونزلوا الموديلات الجديدة وهم شيفرولية وسوإيست.. شيفرولية نزلت الدبابة والجامبو بموديلات ٢٠٢٧ بأسعار بتبدأ من ٩٦٧٠٠٠ جنيه للدبابة وبتوصل لـ ١٥٨٠٠٠٠ جنيه لأعلى فئة في الجامبو..

​أما في الملاكي فشركة سوإيست هي اللي واخدة الخطوة بقوة ونزلت ٤ موديلات كروس أوفر كلهم موديل ٢٠٢٧.

البداية مع S05 اللي بتعتبر أرخصهم بسعر ١٠١٠٠٠٠ جنيه.. وبعدها S06 وS07 بأسعار بتبدأ من ١٢٩٠٠٠٠ و١٣٢٠٠٠٠ جنيه.. وصولا للوحش الكبير S09 اللي نزل بفئة واحدة بسعر ١٥٥٠٠٠٠ جنيه..

الخطوة دي هدفها إنعاش المبيعات وتوفير أحدث موديل للمشترين اللي خايفين من أي زيادة أسعار جاية