كل خدماتك من كارت واحد.. ازاي تستلم الكارت الموحد؟

مستنيين الكارت اللي هيجمع كل حاجاتكم في كارت واحد؟ الكارت الموحد وصل.. وده مش كارت عادي ده شامل كل حاجة: العيش والسلع التموينية، التأمين الصحي، صرف المعاش، وكمان دفع أي خدمات حكومية. يعني خلاص وداعًا لزحمة الكروت اللي في محفظتك.

وكمان تقدر تسحب فلوس أو تشتري بيه من أي ماكينة أو محل، وكل ده من كارت واحد بس. وفيه نظام بصمة ذكية يضمن إن الدعم يوصللك انت بس، وكمان بيفتحلك حساب في البريد من غير أي مصاريف.

طب هتستلمه ازاي؟ ببساطة، هيوصلك رسالة على الموبايل بالميعاد والمكان، وتروح تستلمه من البريد أو التموين أو التأمين الصحي. ولو اتأخرت شهر، ليك فرصة شهر كمان قبل ما الكارت يلغي.