مفاجأة بشأن إيرادات قناة السويس.. أرقام ضخمة هتعوض اللي فات

في خبر مهم عن قناة السويس .. صندوق النقد الدولي متوقع إن إيرادات القناة توصل لـ 9.5 مليار دولار بحلول 2031 
يعني إيه الكلام ده؟

يعني رغم التراجع الكبير اللي حصل مؤخرًا،  في توقعات بعودة قوية جدًا
إيرادات القناة في 2024 نزلت بنسبة 61% ووصلت لحوالي 3.9 مليار دولار بعد ما كانت أكتر من 10 مليار في 2023.

والسبب؟ التوترات في البحر الأحمر وتأثير الحرب في غزة على حركة الملاحة، حتى التقديرات بتقول إن مصر خسرت حوالي 10 مليار دولار بسبب الأزمة دي
بس التوقعات بتقول إن الدنيا هتتحسن تدريجي.

من حوالي 4.2 مليار في 2026 .. لـ 6 مليار في  2027  وبعدين 7 مليار في 2028 و7.8 مليار في 2029 و9.1 مليار في 2030 لحد ما نوصل لـ 9.5 مليار في 2031.