بدل فاقد أو تالف لكارت الخدمات المتكاملة.. خطوات سهلة لكل المستحقين

لو عندك كارت الخدمات المتكاملة واتعرض للتلف أو الضياع، مفيش داعي للقلق.. تقدر تعمل بدل فاقد أو تالف بسهولة.. أول حاجة: روح قسم الشرطة واعمل محضر يفيد بفقدان أو تلف الكارت.

بعد كده ادخل على الموقع الرسمي لوزارة التضامن الاجتماعي:

هتحتاج ترفع المستندات المطلوبة:
صورة بطاقة الرقم القومي سارية.
المحضر اللي عملته في الشرطة.
نموذج طلب بدل فاقد من مكتب التأهيل الاجتماعي.

سجل بياناتك بدقة وسدد رسوم استخراج بدل الكارت.

بعد تقديم الطلب، هتتم مراجعة المستندات، وطباعته وتوصيله لك في أقرب وقت.

الفئات المستحقة للكارت تشمل:
أصحاب الإعاقات الحركية أو الذهنية الدائمة.
فاقدي السمع أو البصر جزئيًا أو كليًا.
مرضى متلازمة داون، ضمور العضلات، شلل الأطفال، القزامة.
الحالات فاقدة الأهلية ويقدم الوصي القانوني الطلب نيابة عنهم.

يعني مهما كانت حالتك من الفئات دي، ممكن تحصل على كارت جديد وتكمل الاستفادة من كل الخدمات المتاحة.