خبر سار لأصحاب المعاشات مع بداية مارس.. تفاصيل الصرف والزيادات الجديدة

لو أنت من أصحاب المعاشات.. الخبر ده ليك.. حوالي 11.5 مليون مواطن مستنيين صرف معاش شهر مارس، خاصة مع شهر رمضان وزيادة المصاريف.

الهيئة القومية للتأمين الاجتماعي أعلنت إن الصرف هيبدأ رسميًا من يوم 1 مارس، ويستمر طوال الشهر، من غير تبكير في الموعد زي ما كان بيتقال.

تقدر تصرف معاشك من:
ماكينات الـATM
فروع البنوك
مكاتب البريد
المحافظ الإلكترونية
ومنافذ الدفع المعتمدة
كمان فيه زيادات جديدة مطبقة من بداية 2026:
الحد الأدنى للمعاش بقى 1755 جنيه بدل 1495
والحد الأقصى وصل لـ 13360 جنيه بدل 11600
وكمان تم رفع الحدين الأدنى والأقصى لأجر الاشتراك التأميني.

يعني معاش مارس مش بس في معاده ده كمان بقيم أعلى لبعض المستحقين.

راجع حسابك أول مارس.. ومستحقاتك هتكون جاهزة.