مفاجأة المرتبات.. الحد الأدنى هل يصل 9000 جنيه؟

تخيل تقبض 9000 جنيه حد أدنى… حلم ولا قرار جاي في الطريق؟ ملف الأجور اتفتح من جديد… بس المرة دي الكلام مش عن الحكومة، الكلام عن القطاع الخاص.

علاء السقطي عضو المجلس القومي للأجور قال إن فيه خطة شغالة حاليًا لرفع الحد الأدنى لأجور العاملين في الشركات، ومن وجهة نظره الرقم العادل ممكن يوصل لـ9 آلاف جنيه شهريًا.

رقم جايز يكون كبير؟ آه.. بس برضه المعيشة بقت نار.. المشكلة إن القرار ده ممكن يبقى تقيل على شركات كتير، خصوصًا الصغيرة والمتوسطة.

وعلشان كده طرح اقتراح مهم: تخفيض سعر الفايدة على الإقراض في البنوك من 4 لـ5%، علشان الشركات تقدر تموّل نفسها بتكلفة أقل، تكبر وتكسب أكتر… ومن غير ضغط يهددها، تقدر تزود رواتب الموظفين.

الملف لسه في مرحلة المناقشات… بس الجلسات الجاية شكلها هتكون حاسمة جدًا.