محدش هيعرف يوقف مصر بعد النهاردة.. تطورات مهمة في رأس الحكمة
يا ترى ايه اخر التطورات في تنفيذ مشروع رأس الحكمة بالساحل الشمالي؟ وهل فيه تأخير فى تنفيذ المشروع ولا خطة العمل ماشية زي ما هو متفق عليه مع الجانب الاماراتي؟ وايه حكاية الـ 110 مليار دولار اللي هيتم ضخهم كاستثمارات تراكمية في المكان ده لحد سنة 2045 ؟ ومصر هتستفيد إيه من الشراكة الضخمة دي اللي بتجمع بين الحكومة المصرية ومجموعة مدن القابضة الإماراتية ؟
حكاية مشروع رأس الحكمة بدأت تدخل في مرحلة الجد جداً والنهاردة رئيس الوزراء الدكتور مصطفى مدبولي عقد اجتماع موسع عشان يتابع بنفسه الموقف التنفيذي للمشروع لضمان إن الشغل ماشي وفق الجداول الزمنية المحددة لأن الدولة بتعتبر رأس الحكمة هي الحصان الرابح للاقتصاد المصري في السنين الجاية وهي البوابة اللي هتدخل منها استثمارات أجنبية ضخمة وتغير شكل السياحة والاستثمار في مصر للأبد.
لو رجعنا بالذاكرة لشهر فبراير 2024 هنفتكر إن شركة إيه دي كيو القابضة الإماراتية استحوذت على حقوق تطوير المشروع مقابل صفقة تاريخية بلغت 24 مليار دولار كاش ده غير تحويل 11 مليار دولار من الودائع الإماراتية لاستثمارات مباشرة في مشروعات حيوية بجميع أنحاء الجمهورية والجميل في الموضوع إن الحكومة المصرية لسه محتفظة بحصة 35% من المشروع وده بيضمن حق الأجيال الجاية في عوائد المدينة المليونية دي وفي أكتوبر 2024 تم الإعلان رسمياً عن تعيين مجموعة مدن القابضة كمطور رئيسي للمشروع ومن وقتها والماكينات والعمال مش بيبطلوا شغل في الموقع عشان يحولوا صحراء رأس الحكمة لخلية نحل حقيقية بتهدف لبناء مدينة عالمية على أرض مصرية بتصميمات ومواصفات مكنتش موجودة قبل كده في المنطقة كلها.
الاجتماع الأخير كشف عن تفاصيل مذهلة بخصوص البنية التحتية اللي بتتم حالياً في الموقع جاسم الزعابي رئيس دائرة المالية بأبوظبي قدم شرح كامل أكد فيه إن فيه آلاف العمال موجودين حالياً في مواقع العمل المختلفة وشغالين في تأسيس مكونات المشروع اللي بتشمل منطقة صناعية ضخمة ومشروعات فندقية عالمية ومناطق خدمية متكاملة والمخطط العام للمشروع بيبين توزيع عبقري للمساحات البنائية اللي بتغطي الوحدات السكنية الراقية وآلاف الغرف الفندقية اللي هتستقبل السياح من كل دول العالم ده غير المناطق التجارية والمطاعم والأنشطة الترفيهية اللي هتخلي رأس الحكمة وجهة سياحية طول السنة مش بس في فصل الصيف وده معناه إننا قدام مدينة حية بتشتغل 365 يوم في السنة وبتقدم فرص استثمارية واعدة جداً للقطاع الخاص المصري والأجنبي على حد سواء.
الأرقام اللي بيستهدفها المشروع بتعتبر أرقام مرعبة بكل المقاييس الاقتصادية لأن المساحة الإجمالية اللي بتوصل لـ 170.8 مليون متر مربع هتضم مناطق حرة ومناطق استثمارية مخصصة للصناعات التكنولوجية والخدمات اللوجستية ومن المتوقع إن المشروع ده يساهم في الناتج المحلي الإجمالي للاقتصاد المصري بنحو 25 مليار دولار سنوياً والرقم ده لوحده كفيل إنه يعمل طفرة في معدلات النمو الاقتصادي وكمان المشروع هيوفر حوالي 750 ألف فرصة عمل مباشرة وغير مباشرة وده معناه إننا بنحل أزمة بطالة وبنفتح بيوت مئات الآلاف من الشباب المصري في تخصصات هندسية وفنية وإدارية وسياحية متنوعة وده بيأكد إن رأس الحكمة مش مجرد منتجع سياحي فخم لكنها مشروع قومي متكامل هدفه بناء مستقبل اقتصادي قوي ومستدام للأجيال اللي جاية.
