في رمضان.. استخرج بطاقة الرقم القومي في نص ساعة من غير زحمة

لو بطاقتك ضايعة أو محتاج تطلعها مستعجل في رمضان، الموضوع بقى أسهل وأسرع من أي وقت.. دلوقتي تقدر تستخرج بطاقة الرقم القومي في نص ساعة بس من الأحوال المدنية بالعباسية، أو خلال 24 ساعة من المراكز النموذجية والمولات التجارية زي سيتي ستارز وكارفور المعادي ومكسيم مول.

ولو مش قادر تنزل؟ اتصل على 15340 أو 16582 وهتيجيلك عربية مجهزة لحد البيت وتستلم بطاقتك في نفس اليوم.. الأسعار بتبدأ من 185 جنيه وبتوصل لـ 800 جنيه حسب سرعة الخدمة والمكان.

وكمان تقدر تقدم أونلاين من خلال موقع وزارة الداخلية وتطلب بدل فاقد أو تالف وتسدد الرسوم إلكترونيًا… الخدمة شغالة يوميًا لحد الساعة 8 مساءً عشان تريح الناس في رمضان وتوفر وقتهم.