بتشتري ذهب أونلاين؟ اعرف إزاي تحمي فلوسك

مع نزول سعر الذهب من وقت للتاني، ناس كتير بقت تشتري أونلاين.. بس السؤال المهم: إزاي تشتري وانت مطمن؟
أول حاجة، ماتشتريش غير من موقع معروف وليه تقييمات حقيقية.

تاني حاجة، لازم الفاتورة تكون واضحة فيها العيار، الوزن، الدمغة، وسعر الاسترداد.

خد بالك كمان إن الموقع يكون آمن ومشفر، علشان بياناتك وفلوسك.
واختار دايمًا طرق دفع آمنة زي الكروت البنكية، وابعد عن التحويلات المجهولة.

وأهم نقطة، الشحن.. لازم يكون عليه تأمين واضح في حالة الفقد أو التلف، ولو مشيت على الخطوات دي، هتقلل جدًا فرص النصب، وتشتري ذهب وانت مرتاح.