ساعة الصفر لزيادات الإيجار القديم.. شقتك هتدخل أي فئة

حالة ترقب كبيرة مسيطرة على ملايين الملاك والمستاجرين مع قرب بدء تطبيق زيادات الايجار القديم 2026.

بعد ما لجان الحصر والتصنيف توصل لمرحلتها الاخيرة وتنهي شغلها.. والنتائج دي هي الخطوة الاهم قبل تحصيل القيم الجديدة.

اللجان قسمت المناطق لـ3 فئات..  متميزة ومتوسطة واقتصادية، حسب الموقع والخدمات والبنية التحتية وقربها من المواصلات.

القانون حدد زيادات مختلفة، المناطق المتميزة ممكن توصل الزيادة فيها لـ20 ضعف بحد ادنى 1000 جنيه شهريا، والمتوسطة 10 اضعاف بحد ادنى 400 جنيه، والاقتصادية 10 اضعاف بحد ادنى 250 جنيه.

كمان فيه فروق ايجار من سبتمبر اللي فات هتتسدد بنظام التقسيط، ومع السنة التانية هتبدأ زيادة سنوية 15% لمدة 7 سنين للسكني و5 لغير السكني.

والتطبيق هيبدأ رسمي بعد نشر القرار والبدء في التحصيل الشهر اللي بعده.