خفض أسعار آيفون رسميا في مصر.. شوف وصلت لكام؟

خبر هيبسط ناس كتير.. آيفون رسميًا رخص في مصر. أيوه زي ما سمعت، أسعار موبايلات آيفون بدأت تنزل بشكل رسمي عند الموزع المعتمد، وده بعد إعلان سلسلة متاجر "تريدلاين" عن تخفيضات جديدة على أكتر من موديل من آيفون 17.

التخفيضات شملت آيفون 17 برو ماكس، وآيفون 17 برو، وكمان آيفون إير، ودي كانت خطوة هدفها تحريك السوق وتشجيع الناس تشتري من القنوات الرسمية بدل السوق الرمادي.

آيفون 17 برو ماكس نزل بأسعار مختلفة حسب السعة، وبدأ من حوالي 87 ألف جنيه لنسخة 256 جيجا، ووصل لـ149 ألف جنيه لنسخة 2 تيرا، وده فرق ملحوظ عن الأسعار اللي الناس كانت شايفاها الفترة اللي فاتت.

آيفون إير كمان بقى متاح بسعر يبدأ من 69,900 جنيه، ونسخ أعلى توصل لحوالي 99,900 جنيه، أما آيفون 17 برو، فأسعاره الجديدة بدأت من 83 ألف جنيه تقريبًا