بعد 50 سنة ديزل .. أشهر عربية بيك أب في العالم بقت كهرباء

تويوتا عملت اللي محدش كان يتوقعه نزلت نسخة كهربا بالكامل من وحشها الأسطوري هايلكس!

دي مش مجرد عربية كهربا عادية، دي هايلكس بموتورين كهربا، واحد قدام وواحد ورا، عشان تفضل دفع رباعي زي ما إحنا عارفينها.

طب البطارية؟ مداها بيوصل لـ 258 كيلو في الشحنة الواحدة، وبيزيد جوه المدينة لحد 380 كيلو.

بس المفاجأة الأكبر، إن تويوتا منزلتهاش عشان تلغي الديزل، لأ نزلتها جنب نسخة ديزل جديدة مايلد هايبرد عشان تديلك كل الاختيارات.

والأغرب من كل ده إنهم بيجهزوا نسخة تالتة هيدروجين… باختصار، تويوتا بتقولك إن المستقبل له أكتر من طريق.