نزلت 135 ألف جنيه مرة واحدة.. تخفيضات كبيرة على النوع ده من العربيات

لو كنت ناوي تشتري عربية وبتدور على حاجه تناسبك اسمع الخبر ده كويس اوي.. شركة جميل موتورز أعلنت عن تخفيضات قوية على GAC EMZOOM وصلت لـ 135 ألف جنيه دفعة واحدة، وده خلّى العربية دي تبقى من أكتر العربيات اللي عليها كلام دلوقتي. 

الفئة الأولى Comfort نزل سعرها من مليون و55 ألف جنيه ل920 ألف جنيه، يعني فرق سعر كبير، والفئة التانية Elegance بقت بمليون و29 ألف جنيه بعد تخفيض 86 ألف، أما فئة Premium فنزلت 96 ألف جنيه، وفئة R-Style تراجعت 76 ألف جنيه عن سعرها القديم.

العربية  بتيجي بمحرك 1500 سي سي تيربو بقوة 174 حصان وعزم 270 نيوتن متر مع فتيس أوتوماتيك 7 سرعات DCT، وده بيدي أداء قوي وسحب سلس من جوه.

العربية مليانة تكنولوجيا، شاشات كبيرة، أبل كار بلاي وأندرويد أوتو لاسلكي، وأنظمة أمان متقدمة زي الوسائد الهوائية، الثبات الإلكتروني، مثبت السرعة، وأنظمة المساعدة على القيادة.

ومع التخفيضات دي، عربيات جاك بقت صفقة مغرية جدًا في فئتها، وبتأكد إن يناير 2026 واحد من أقوى شهور التخفيضات في سوق السيارات المصري.