بأقل من 650 ألف.. أرخص عربية ياباني تشتريها في 2026

لو بتدور على عربية اقتصادية يكون سعرها على القد وتنجز كل مشاويرك يبقى مفيش قدامك غير نيسان صني 2026.

العربية العائلية الصغيرة اللي بتقدمها نيسان إيجيبت، وهي أرخص سيارة يابانية موجودة في السوق دلوقتي، اسعارها بتبدأ من 645 ألف جنيه للفئة المانيوال، والفئة الأوتوماتيك تبدأ من 695 ألف، وفي فئات أعلى تجهيزًا سعرها يوصل لـ795 ألف جنيه.

العربية  بسعة 1500 سي سي، وقوة 108 حصان، كمان مجهزة بوسائد هوائية للسائق والراكب الأمامي، فرامل ABS مع توزيع إلكتروني EBD، وحساسات ركن خلفية مع كاميرا، يعني راحة وأمان للعيلة كلها.

يعني لو عايز عربية اقتصادية يابانية وموفرة للوقود وفي نفس الوقت فيها أمان وتجهيزات مناسبة، نيسان صني 2026 هي الخيار اللي لازم تفكر فيه قبل أي شراء.