وداعا للتذكرة.. أسعار وأماكن الكارت الذكي لأتوبيسات النقل العام

وداعا للتذكرة الورق.. أتوبيسات النقل العام دخلت عصر الكارت الذكي، هيئة النقل العام أطلقت منظومة دفع إلكتروني جديدة علشان تركب أسرع، ومن غير فكة ولا زحمة.

الكارت الذكي سعره 110 جنيه وصلاحيته سنتين كاملين ولو ما استخدمتوش سنة بيوقف تلقائي، وتقدر تشتريه من مكاتب هيئة النقل العام زي: العباسية، العتبة، عبد المنعم رياض، القاهرة الجديدة، الجيزة، وأحمد حلمي.

وطريقة الاستخدام سهلة جدًا تمرر الكارت وإنت طالع من الباب الخلفي، وتتمرره تاني قبل ما تنزل من الباب الأمامي، والنظام يحسب الأجرة لوحده حسب عدد المحطات.

والجديد كمان إنه قريب هيبقى في تطبيق تعرف منه مواعيد الأتوبيسات، وتشحن الكارت وأنت في مكانك، نقل عام أذكى وأسرع ومن غير تذاكر.