المهمة تمت بنجاح.. إزاي وزارة الزراعة "رجعت الهيبة" للقطن المصري في الوقت الضايع؟
الإثنين 19/يناير/2026 - 11:00 م
القطن المصري اللي طول عمره اسمه الدهب الأبيض كان في خطر حقيقي إنه يختفي، مساحات بتقل تكلفة عالية وفلاحين بطلت تزرع، لحد ما الإنتاج نزل بأكتر من 30٪، بس اللي حصل في 2025 كان نقطة تحول، وزارة الزراعة تدخلت بخطة إنقاذ حقيقية، أصناف جديدة إنتاجها أعلى وتستهلك مية أقل وتقاوي مدعومة للفلاح.
كمان اتغير نظام التسويق، والسعر بقى مربوط بالسوق العالمي، بعد ما كان الفلاح بيتظلم، والنتيجة ان المساحات المزروعة زادت، والإنتاج وصل لأعلى رقم من سنين.
والقطن المصري رجع يفتح أسواق تصدير من تاني، ومش بس كده، القطن اتزرع لأول مرة في صحرا سينا يعني التوسع بقى بره الدلتا كمان والدهب الأبيض رجع يقف على رجليه، والسؤال دلوقتي، هل دي بداية عودة القطن المصري للعالم؟
