أول سايبرتراك 6 راكب في العالم.. بس فيها عيب غريب

تسلا قالت مستحيل بس هو عملها.. القصة كلها بدأت لما إيلون ماسك وعد إن السايبرتراك هتنزل بـ 6 كراسي عشان تشيل العيلة كلها.

بس بعد كده، تسلا تراجعت ونزلتها بـ 5 كراسي بس.

فيه أب عنده أربع أولاد قرر إنه مش هيستسلم.

شال الكونسول اللي في النص، وركب كرسي مخصوص عشان العربية تشيل عيلته كلها، والشكل طلع تحفة، كأنها نازلة من المصنع.

بس فيه مشكلة كبيرة مستخبية في التعديل ده. الكرسي الجديد ده مفهوش إيرباج.. يعني لو حصل حادثة لا قدر الله، أمان الراكب اللي في النص صفر.