قسط لحد 15 سنة.. إزاي تشتري شقة من بنك مصر

لو بتفكر تشتري شقة ومش مستني دعم من الدولة.. بنك مصر أعلن تفاصيل التمويل العقاري الحر.. يعني فائدة معلنة من البنك من غير دعم حكومي.

النظام ده بيمول شقق كتير.. شقق مسجلة شهر عقاري.. وشقق على ارض مسجلة.. ووحدات دار مصر وسكن مصر وجنة واعادة بيع.

وكمان وحدات المطورين.. والجمعيات بشرط موافقتهم على حظر البيع.

مين يقدر يقدم.. موظفين حكومة وقطاع خاص.. واصحاب مهن حرة زي دكاترة ومهندسين.

كمان اصحاب انشطة تجارية وصناعية واصحاب معاشات، ومصريين شغالين بره مصر.

السن بيبدأ من 21 سنة.. ومدة السداد من 10 لحد 15 سنة
الفايدة ثابتة 15%.

المقدم اقل حاجة 20%.. يعني لو الشقة بمليون ونص.. هتدفع 300 الف.. والباقي يتقسط على 15 سنة بقسط حوالي 23 الف جنيه
ولو زودت المقدم لحد 50%
القسط بينزل لحوالي 14500 جنيه.

التقديم محتاج ورق بسيط
يعني بطاقة سارية واثبات دخل
وعقد الشقة ورخصة المباني او اخطار التخصيص حسب نوع الوحدة.

يعني لو معاك مقدم وعايز شقة جاهزة.. التمويل العقاري الحر من بنك مصر حل عملي من غير انتظار مبادرات ومن غير شروط معقدة.