فورد هتقلب الترابيزة على تسلا والصين بعربية سعرها مفاجأة.. اعرف التفاصيل

فورد قررت تقلب الترابيزة على كل المنافسين، من أول تسلا لحد الشركات الصينية. إزاي؟ هتنزل سنة 2027 عربية بيك أب كهربا جديدة سعرها هيبدأ من 30 ألف دولار بس!

طب إيه سر السعر ده؟ السر يا سيدي في حاجتين.

الأول: أرخص موتور كهربا في العالم، فورد عملت فريق سري قدر يطور موتور تكلفته أقل 25% من أي موتور تاني في السوق.

الثاني: تكنولوجيا تصنيع عبقرية، بقوا بيصبوا أجزاء ضخمة من شاسيه العربية كحتة واحدة، فبيوفروا وقت وفلوس.

والعربية دي مش مجرد رخيصة دي وحش أداء كمان، هتجري من صفر لمية في 4 ثواني ونص بس! أسرع من عربيات رياضية كتير.. باختصار، فورد بتقول إن العربيات الكهربا القوية مش هتبقى حكر على الأغنياء تاني.