سعرها قرب من نص مليون جنيه..إزاي تشتري لوحة معدنية مميزة لسيارتك؟

تفتكر لوحة عربية ممكن توصل لنص مليون جنيه؟  أيوه.. وده بيحصل رسميًا ومن غير وسايط! أول ما تشتري عربية جديدة، لازم تخلص رخصة ولوحات وملصق إلكتروني، بس في ناس بتحب التميز، وعايزة لوحة بأرقام أو حروف مميزة. وزارة الداخلية وفرت الحل.. مزادات إلكترونية رسمية على لوحات العربيات المميزة.

وهذه هي الأسعار:

لوحة (د و م – 2222) وصلت لـ 150 ألف جنيه

لوحة (م هـ أ – 333) بـ 175 ألف جنيه

لوحة (م ط – 2) بـ 400 ألف جنيه

ولوحة (و ج هـ – 1) كسرت الرقم ووصلت لـ 475 ألف جنيه!

طيب إزاي تدخل المزاد؟ تدخل على موقع وزارة الداخلية، تختار "لوحاتي" من بوابة المزايدات، تسجل حسابك، تختار لوحة وتدفع مبلغ التأمين، تدخل بيانات كارتك وتبدأ المزايدة، كلها خطوات إلكترونية 100% ولو كسبت؟ اللوحة بتبقى باسمك رسمي.