إيه سر حرفين GT اللي بنشوفهم على العربيات؟
السبت 17/يناير/2026 - 07:00 ص
أكيد لاحظت إن حرفين "GT" بقوا في كل حتة زي الـ MG GT الجديدة، والشيري أريزو 6 GT اللي هتنزل قريب.
طب عمرك سألت معناهم إيه؟ أغلب الناس فاكرة إنها مجرد علامة إن العربية رياضية وبس.. بس الحقيقة إن القصة أكبر من كده.
"GT" اختصار لكلمة إيطالية اسمها "Gran Turismo". يعني بالعربي كده "السياحة العظيمة".
والفكرة بتاعتها إنها عربية بتحللك معادلة صعبة: تديلك أداء رياضي وقلب قوي، وفي نفس الوقت، تبقى عربية مريحة وفخمة تنفع للسفر والمشاوير الطويلة.. يعني من الآخر، مش عربية سباق ناشفة، دي عربية بتجمع بين القوة والراحة.
