إزاي تقدم تظلم على فاتورة الكهرباء 2026؟ الخطوات كاملة

فاتورة الكهرباء عندك عالية ومش منطقية.. متقلقش وزارة الكهرباء وفرت أكتر من طريقة عشان تقدم تظلم بسهولة.

أول طريقة.. تروح فرع شركة الكهرباء التابع لمنطقتك، وتملى نموذج شكوى، وتقدم صورة من الفاتورة، وهتاخد رقم لمتابعة التظلم.. ولو ثبت إن في خطأ، الفاتورة بتتعدل أو بيتحسب لك تعويض.

تاني طريقة.. وأسرعهم التظلم أونلاين من خلال منظومة الشكاوى الموحدة، هتدخل على الموقع، تكتب اسمك ورقم الموبايل، وتختار المحافظة والحي، وتدخل عنوانك كامل.

بعد كده تحط البريد الإلكتروني، وكود السداد الموجود في الفاتورة، وترفق صورة آخر قراءة للعداد وإيصال الكهرباء.. لو في أي خطأ في القراءة الفاتورة بتتسحب وبتتعدل في أسرع وقت