فرصة متتفوتش.. بنك مصر بيبيع عربيات في مزاد

لو بتدور على عربية مستعملة حالتها كويسة وسعرها لقطة، يبقى التقرير ده ليك.. بنك مصر هيعمل مزاد كبير يوم الاثنين 19 يناير عشان يبيع 25 عربية من بتوع مديرين الفروع.. يعني بنتكلم في عربيات كانت بتتصين كويس وفي التوكيل.

طب إيه الأنواع اللي موجودة؟ هتلاقي تشكيلة كبيرة، تويوتا كورولا، أوبل إنسيجنيا، نيسان صني، هيونداي إلنترا، بيجو 508، وكمان فولكس فاجن باسات.. الموديلات من 2014 لحد 2022.. كل اللي محتاجه عشان تدخل المزاد هو إنك تشتري كراسة الشروط وتدفع تأمين بيرجعلك لو مشترتش حاجة.