مفاجأة.. سعر الشقة البديلة لسكان الإيجار القديم مليون جنيه

الكلام عن الإيجار القديم دخل مرحلة جديدة.. مش نقاش نظري ولا تصريحات عامة.. دلوقتي فيه بديل مطروح.. وسعر البديل واضح.. شقة تبدأ من مليون جنيه غير الفايدة.

الدولة بتتكلم عن 4 بدائل سكنية، إسكان اجتماعي وإسكان متوسط، وإسكان فوق متوسط ووإسكان فاخر. الوحدات الاجتماعية مساحتها من 75 لحد 90 متر
والسداد هيكون في أغلبه تمويل عقاري بفترات طويلة ودعم نقدي حسب الحالة.

لكن المؤشرات بتقول إن أقل سعر مش هيقل عن مليون جنيه.. أما باقي المشروعات فالمساحات أكبر.. من 100 لحد 150 متر وفيه كمان فيلات، والوحدات موجودة في مدن جديدة أغلبها شرق وغرب القاهرة وفيه جزء في المحافظات.

لحد دلوقتي مفيش أرقام نهائية ولا عدد وحدات محدد.. لكن الثابت إن السعر بقى رقم معلن، وإن ملف الإيجار القديم لسه مفتوح على نقاشات تانية جوه البرلمان ومفيش قرار نهائي لحد دلوقتي.