عشان متحترش.. تشتري شقة استلام فوري ولا تحت الإنشاء؟

المعضلة اللي بتواجه أي حد بيفكر يشتري عقار في مصر دلوقتي.. هو أشتري شقة استلام فوري وأريح دماغي؟ ولا أشتري تحت الإنشاء وأكسب في سعرها؟

لو اخترت الاستلام الفوري، فأنت بتشتري (واقع). هتشوف مساحتك، تشطيبك، وفيو بلكونتك بعينك. أمان تام وعائد سريع لو فكرت تأجر.. بس التكلفة هتكون "كاش" أو قسط قصير، وبسعر السوق الحالي الغالي.

أما لو روحنا للـ تحت الإنشاء، فأنت بتشتري (فرصة). بتدفع أقل سعر ممكن للمتر، وبتقسط براحتك على سنين قدام.. وقت الاستلام، شقتك قيمتها بتزيد للضعف.. يعني استثمارك كسب قبل ما المفتاح يلمس إيدك.

من الاخر الجاهز للسكن والاستقرار، واللي تحت الإنشاء للاستثمار وتكبير الثروة. المهم في الحالتين، تختار المطور اللي له سابقة أعمال بجد.