سقوط أكبر عصابة لسرقة لاند كروزر في العالم.. سرقوا عربيات بـ 8 مليون دولار

الشرطة الأسترالية نجحت في تفكيك واحدة من أخطر عصابات سرقة العربيات في العالم، عصابة متخصصة في حاجة واحدة بس: سرقة تويوتا لاند كروزر.

العصابة دي قدرت تسرق 60 عربية لاند كروزر، قيمتهم الإجمالية حوالي 8 مليون دولار.

طب كانوا بيعملوا بيها إيه؟ مكنوش بيبيعوها جوه البلد، كانوا بيحطوها في حاويات وبيشحنوها لدول تانية عشان تتباع هناك.. بس الخطة دي انكشفت. الشرطة عملت عملية أمنية ضخمة شاركت فيها كلاب بوليسية وطيران، وقبضوا على 7 من أفراد العصابة.

والتهم؟ أكتر من 300 تهمة، من أول السرقة لحد التزوير والتهريب الدولي. من حلاوة اللاند كروزر كانت هدف رئيسي للعصابات العالمية.