تمويل شقة لحد 15 سنة.. تفاصيل قرض البنك الأهلي
السبت 17/يناير/2026 - 05:30 ص
البنك الأهلي المصري بيقدم تمويل عقاري حر لشراء الشقق من غير دعم حكومي.. التمويل بفايدة ثابتة 15% والتمويل يوصل لحد 15 سنة.
يعني تقدر تمول شقة مسجلة شهر عقاري أو إعادة بيع زي دار مصر وسكن مصر وجنة أو شقة من مطور أو جمعية إسكان.
البنك بيمول موظفين حكومة وقطاع خاص وأصحاب المهن الحرة وأصحاب أنشطة وأصحاب معاشات والمصريين بالخارج.
السن يبدأ من 21 سنة.. ولو اتكلمنا بالأرقام.. لو الشقة بمليون ونص أقل مقدم 20% يعني 300 ألف والباقي تقسيطه حوالي 23 ألف جنيه شهريا.. ولو دفعت 50% مقدم القسط ينزل لحوالي 14 ألف و500 جنيه.
