عايز شقة الإسكان البديل؟ خطوات إنشاء حساب على منصة مصر الرقمية بسهولة
الأحد 11/يناير/2026 - 08:00 م
لسه مش عارف تسجل في الإسكان البديل؟ ومتلخبط في منصة مصر الرقمية؟ خليك معايا وهقولك الخطوات ببساطة.. أول حاجة تدخل على موقع منصة مصر الرقمية.
لو معندكش حساب، اختار إنشاء حساب. هتدخل: الرقم القومي، رقم المصنع اللي تحت صورة البطاقة، اسم الأم، رقم موبايل باسمك.
هيجيلك كود على الموبايل، اكتبه وفعل حسابك، وبعدين اعمل كلمة سر وخلاص كده حسابك اتفتح.. بعدها تدخل على خدمة. الإسكان البديل وتملى البيانات المطلوبة من غير ما ترفع أوراق دلوقتي.
وزارة الإسكان كمان مدية مهلة إضافية 3 شهور للتقديم، وفي 500 مكتب بريد مميكن هيساعدوا الناس في التسجيل.. متضيعش الفرصة، سجل بدري وخليك جاهز.
