انهيار أسعار المستعمل مستمر.. عربية أوروبية موديل 2020 نزلت تحت الـ 500 ألف
الجمعة 09/يناير/2026 - 04:00 ص
تأثير انخفاض أسعار الزيرو وصل لسوق المستعمل، وبقوة. والنتيجة؟ عربيات مكنتش في الحسبان خالص بقت متاحة بأسعار مفاجأة.
زي العربية دي، بيجو 301 موديل 2020.. يعني بنتكلم في عربية فرنساوي، أوتوماتيك، وعمرها 4 سنين بس. ظهرت في السوق بأسعار بتبدأ من 490 ألف جنيه.
طب بتاخد إيه بالسعر ده؟ موتور 1600 سي سي 115 حصان اعتمادي وموفر، وفتيس أوتوماتيك 6 سرعات.. ده غير إن الفئات الأعلى فيها شاشة تاتش وكاميرا خلفية ومثبت سرعة.
