سكن وأكل ومواصلات.. وظائف برواتب تصل لـ35 ألف جنيه في الضبعة النووية
بندور على شغلانة بمرتب يوصل لـ35 ألف جنيه، وسكن وأكل ومواصلات كمان.. وزارة العمل أعلنت عن عن فتح باب التقديم لوظائف جديدة في مشروع محطة الضبعة النووية، واحد من أكبر المشروعات القومية في مصر.
الوظائف المطلوبة تشمل: حداد مسلح، نجار مسلح، فورمجي، فني تركيبات هياكل معدنية، ولحامين.. وأهمهم لحام أرجون بمرتب يبدأ من 35 ألف جنيه، ولحام كهرباء بمرتب يبدأ من 25 ألف جنيه، وباقي المهن مرتباتها بتبدأ من 14 ألف و250 جنيه.
طيب التقديم إمتى وفين؟ من الأحد الجاي 11 يناير 2026 ولمدة 5 أيام بس لحد 15 يناير، في مقر وزارة العمل 3 شارع يوسف عباس – مدينة نصر من الساعة 8 الصبح لـ2 الظهر.
والمميزات؟ 3 وجبات يوميًا، سكن، ومواصلات داخلية، ونظام شغل 24 يوم مقابل 6 أيام راحة.. ولو عندك خبرة ومهارة عالية؟ مرتبك ممكن يزيد عن المعلن كمان.. فرصة حقيقية، شغل آمن، ومشروع قومي كبير، ولو تنطبق عليك الشروط، ما تضيعش الفرصة.
