مصري يتولي إدارة خزنة نيويورك.. عمل إيرادات ضريبية 40 مليار دولار وبيشتغل 2000 موظف تحته
تخيل إن مفاتيح خزنة أغنى مدينة في العالم المدينة اللي ناتجها المحلي بيعدي الـ 2 تريليون دولار بقت النهاردة في إيد شاب مصري من حي كوينز... شاب ابهر الامريكان.. حل عجز واحدة من أكبر الجامعات هناك في سنتين بس وبيشتغل تحته 2000 موظف وعمل إيرادات ضريبية وصلت ل40 مليار دولار ودلوقتي هو ماسك خزنة أغنى مدينة في العالم.. يا ترى مين الشاب ده وايه قصته.
شريف سليمان ابن اتنين المهاجرين المصريين في امريكا بس النهاردة بقى المايسترو المسؤول عن ميزانية مدينة فيها أكتر من 384 ألف مليونير بعد ما اختاره العمدة الجديد زهران ممداني عشان يمسك أخطر منصب مالي في نيويورك.
طيب ليه شريف بالذات واشمعنا هو اللي تم اختياره؟
ببساطة لانه عقلية عبقرية بتتحرك حرفيا.. الراجل ده وراه تاريخ مرعب من لغة الأرقام قالوا عليه صياد أزمات بامتياز وهو اللي دخل جامعة CUNY وهي بتغرق في ديونها وقدر يمسح 80% من العجز بتاعها في سنتين بس.
كمان قدر يدير جيش من 2000 موظف عشان يلم إيرادات ضريبية وصلت لـ 40 مليار دولار. لكن المرة دي شريف داخل في وش العاصفة ومطلوب منه يحل معادلة شبه مستحيلة في كفة عمدة طموح عايز يخلي المواصلات مجانية والرعاية لكل الناس وفي الكفة التانية واقع مالي مر بيفرض نفسه مع عجز ميزانية بيبدأ من 380 مليون دولار وممكن يوصل لمليارات في السنين الجاية.
شريف سليمان دلوقت هو المهندس اللي لازم يبني جسر يربط بين أحلام العدالة الاجتماعية وبين لغة الخزنة الصارمة... هو اللي هيقرر فين الدولار يروح وفين يقف وعينه دايماً على مراقبين العالم اللي بيشوفوا إزاي المصري ده هيقدر يحافظ على استقرار القلب النابض للاقتصاد العالمي.
النهاردة شريف مش بس بيدير مكتب الإدارة والميزانية ده بيكتب فصل جديد في قصة مهاجر مصري بقى هو المهندس الأول للسياسات المالية في مدينة مابتنامش وبيثبت للعالم إن أذكى عقول الاقتصاد ممكن تطلع من بيوتنا البسيطة عشان تحكم ميزانية اكبر عاصمة في العالم.
