موعد حجز شقق مشروع ديارنا.. التقديم متاح في 14 مدينة عبر منصة مصر العقارية

لو بتدور على شقة جديدة من الدولة، ركز معايا، الحجز في مشروع ديارنا هيبدأ رسميًا.

من صباح الأحد 11 يناير ويستمر 28 ساعة بس لحد مساء الاثنين 12 يناير
والحجز أونلاين فقط من خلال منصة مصر العقارية.

الوحدات متاحة في 14 مدينة على مستوى الجمهورية، منها:
العلمين الجديدة، أكتوبر الجديدة، حدائق أكتوبر، العبور الجديدة، بدر، دمياط الجديدة، برج العرب، السادات، 15 مايو، المنيا الجديدة، بني سويف الجديدة، سوهاج الجديدة، ناصر الجديدة، وغرب قنا.

طيب مواصفات الشقق؟
المساحات من 104 لـ145 متر، ومبلغ جدية الحجز 200 ألف جنيه، وسعر الشقة بيبدأ من مليون و664 ألف
ويوصل لحد 3 ملايين و388 ألف جنيه.

عشان تحجز، لازم الأول تعمل حساب على منصة مصر العقارية:
تدخل بياناتك بالرقم القومي
رقم موبايل باسمك
اسم الأم، ورقم المصنع
تفعل الحساب
تطلع على كراسة الشروط
تختار الوحدة
ترفع الأوراق
وتدفع جدية الحجز إلكتروني.

بس خد بالك، الوقت محدود، والحجز أونلاين بس، فاللي ناوي يلحق، يجهز بياناته من دلوقتي.