الكيلو بـ85.. ايه اللي حصل في أسعار الفراخ؟
الثلاثاء 06/يناير/2026 - 01:45 ص
بعد انخفاض في سعرها.. الكيلو دخل على الـ130 جنيه.. يا ترى إيه اللي بيحصل في سوق الفراخ وايه السبب..
النهاردة الأسعار طلعت فجأة والزيادة وصلت لـ 17 جنيه في الكيلو الواحد..
الفراخ البيضاء اللي كانت بـ 58 جنيه من أيام النهاردة نـطت لـ 75 في المزرعة وبتوصل لبيتك بـ 86 جنيه والساسو الحمراء عدت الـ 100 جنيه للمستهلك أما الفراخ البلدي فدي دخلت في سكة تانية خالص ووصلت لـ 130 جنيه.
كمان كيلو البانيه بقى بـ 200 جنيه في أغلب المحلات حتى كرتونة البيض برضو زادت ووصلت لـ 150 جنيه للبلدي
طيب وده حصل بسبب ايه وهل مثلا أسعار الأعلاف زادت.
ببساطة يا سيدي السر وراء القفزة دي هو زحمة المواسم ودخول الأعياد مع قرب شهر رمضان اللي خلى الطلب يزيد جداً ويقلب الموازين رغم إننا عندنا فائض وبنصدر كمان.
