استثناء القاهرة.. قرار مفاجئ في قانون الإيجار القديم

ملف الايجار القديم في القاهرة دخل مرحلة مختلفة تماما .. وده بعد ما محافظ القاهرة الدكتور ابراهيم صابر كشف سبب التأخير في اعتماد نتائج الحصر.

لان القاهرة لوحدها فيها حوالي 50% من شقق الايجار القديم على مستوى الجمهورية.. وده رقم كبير جدا محتاج دقة شديدة.

المحافظ أكد ان التأني هدفه تجنب اي اخطاء قانونية او ادارية وضمان حقوق المالك والمستأجر مع بعض ومنع اي ازمات بعد التنفيذ.

في نفس الوقت رئيس الوزراء وجه كل المحافظات بإنهاء الحصر النهائي قبل 5 فبراير 2026 مع تقسيم المناطق لمتميزة ومتوسطة واقتصادية.

والقرارات هتتنشر في الجريدة الرسمية وتبقى نافذة.. وبحسب التعديلات الايجار هيزيد 20% للمناطق المتميزة و10% للمتوسطة والاقتصادية.