وظائف مشروع الضبعة النووية 2026.. رواتب تصل لـ 14,250 جنيه
الإثنين 05/يناير/2026 - 01:45 ص
لو بتدور على شغل ثابت وبراتب كويس
اسمع الخبر ده. مشروع الضبعة النووية فاتح تعيينات جديدة.
طيب المطلوب إيه؟ .. هقولك 3 مهن بس: حداد مسلح ونجار مسلح وفورمجي.
والمطلوب: شهادة قياس مهارة و بطاقة سارية.
والرواتب من 10 آلاف لحد 14,250 جنيه.. وهيكون في 3 وجبات وسكن ومواصلات و شغل 24 يوم و6 أيام راحة.
طيب التقديم إمتى؟ هيكون يوم الاثنين 5 يناير 2026 من 8 الصبح لـ 2 الضهر في وزارة العمل القديمة 3 شارع يوسف عباس – مدينة نصر.
والأوراق المطلوبة. البطاقة وشهادة المهارة وتدخل اختبار فني ولو نجحت مبروك عليك الشغل.
