السر في آخر أسبوع.. إزاي تحافظ على رصيد عداد الكهرباء؟
الأحد 04/يناير/2026 - 01:45 ص
كلنا بنلاحظ إن رصيد عداد الكهربا بيطير بسرعة في آخر الشهر، حتى لو استهلاكنا عادي، طيب إيه السر؟
السر كله في الشريحة.. كل ما بتستهلك أكتر، بتتنقل لشريحة أعلى وسعر الكيلووات بيغلى عليك، عشان كده، آخر أسبوع في الشهر بيكون أخطر أسبوع، لأنك غالبًا بتكون وصلت لأعلى شريحة.
يعني إيه؟ يعني أي جهاز هتشغله في الأسبوع ده، هيسحب من رصيدك أكتر بكتير من أول الشهر.
الحل بسيط: آخر 7 أيام في الشهر، حاول تقلل استهلاكك على قد ما تقدر.
طفي الأجهزة اللي مش محتاجها، قلل استخدام التكييف والسخان.
شوية توفير في الأسبوع ده هيفرقوا معاك جدًا في الرصيد اللي هيبدأ بيه الشهر الجديد.
